Urdu Poetry

Ek Aarzoo

Alien — Mon, 21 Jan 2013 09:45:17 GMT

Ek Aarzoo
Duniyaan ki mehfilon se ukta gaya hoon yarab
kya lutf anjuman ka jab dil hi bujh gaya ho
shorish se bhaagta hoon, dil dhoondta hai mera
Aaisa sukoot jis per taqreer bhi fida ho
marta hoon khamoshi per yeh aarzoo hai meri
daman mein koh ke ek chota sa jhonpada ho
aazaad fikr se hoon uzlat mein din guzaron
duniyan ke gham ka dil se kaanta nikal gaya ho
lizzat surood ki ho chidiyon ke chehchahe main
chashme ki shorishon mein baja sa baj raha ho
gul ki kali chatak kar paigham de kisi ka
saghir zara sa goya mujhko jahaan numa ho
ho haath ka sarhana, sabze ka ho bichona
sharmaye jis mein jalwat, khalwat mein woh ada ho
manoos is qadar ho surat se meri bulbul
nanhe se dil mein uske khatka na khuch mera ho
saff bandhey dono janib botay hare hare hon
nadi ka saaf pani tasveer le raha ho
ho dil fareeb aisa kehsaar ka nazara
pani bhi mauj bann ke uth uth ke dekhta ho
aaghosh mein zameen ki soya howa ho sabza
phir phir ke jhadiyon mein pani chamak raha ho
pani ko choo rahi ho jhuk jhuk ke gul ki tehni
jaise haseen koi aayeena dekhta ho
mehndi lagaye sooraj jab shaam ki dulhan ko
surqi liye sunehri har phool ki quba ho
raaton ko chalne waale reh jaaye thak ke jis dum
umeed unki mera toota howa diya ho
bijli chamak ke unko kutiya meri dikha de
jab aasmaan pe har sau badal ghira howa ho
pichle pehar ki koyal, woh subah ki mu'zan
main uska humnawa hoon, woh meri humnawa ho
kanon pe na ho mere dair o haram ka ehsaan
rozan hi jhonpadi ka mujhko sehar numa ho
phoolon ko aaye jis dum shabnam wuzu karane
rona mera wuzu ho nala meri dua ho
is khamoshi mein jaayein itne buland naale
taaron ke qafile ko meri sada da'ra ho

Muh ki baat by Nida Fazli

Alien — Sat, 01 Dec 2012 14:42:26 GMT

Muh ki baat by Nida Fazli

Muh ki baat sunay her koi DIL ke dard ko jaane kaun
Aawazon ke baazaaron mein KHAMOSHI pehchane kaun
Sadiyon sadiyon wohi tamasha rasta rasta lambi KHOJ
Laikin jab hum mil jaate hain KHO jaata hai jaane kaun
Woh mera aayeena hai ya main uski parchayi hoon
Mere hi ghar mein rehta hai MUJH jaisa hi jaane kaun
kiran kiran alsaata suraj palak palak khulti neendein
Dheere dheere bikhar raha hai zarra zarra jaane KAUN

khudi ho ilm se

Alien — Sun, 25 Nov 2012 12:16:40 GMT

Khudi ho ilm se by Allama Iqbal

کلام علامہ اقبال ؛ اقتباس -- kalam alama iqbal, iqtebas.

Alien — Thu, 13 Sep 2012 14:07:47 GMT

کلام علامہ اقبال ؛ اقتباس -- kalam alama iqbal, iqtebas

Woh dana-e-subul, khatamur rusul, maula-e-kul* jisne
Ghubar-e-rah ko bhaqsha furugh e wadi-e-seena
Nigaah-e-ishq o masti main wahi awwal, wohi aakhir
Wohi Qur'an, wohi Furq'an, wohi Ya'seen, wohi Ta'ha.

*Salallahu alayhi wasallam - صلى الله عليه و سلم

tera hai ya mera urdu ghazal by Alaama iqbaal

Alien — Tue, 23 Nov 2010 16:58:30 GMT

urdu poety - great poetry

Agar kaj ro hain anjum; aasmaan tera hai ya mera

mujhe fikr-e-jahaan kyun ho, jahaan tera hai ya mera?

agar hungama haye shauq se hai laa makaan khaali

khata kis ki hai yaarab! laa makaaan tera hai ya mera?

usey subah inkaar ki jurrat howi kyun kar

mujhe maloom kya, woh raazdaan tera hai ya mera?

Muhammed* bhi tera, jibrail bhi, quraan bhi tera

magar yeh hurf-e-shireen tarjumaan tera hai ya mera?

isi kokab ki taabaani se hai tera jahaan roshan

zawaal adam-e-khaaki ziyaan tera hai ya mera?

*Salallahu alaihi wasallam

Pooch is se ke maqbool hai by Allama iqbaal

Alien — Tue, 23 Nov 2010 16:39:43 GMT

Urdu poetry - Great poetry

Pooch is se ke maqbool hai fitrat ki gawaahi

tu saahib-e-manzil hai ke bhatka howa raahi

Kaafir hai musalmaan toh na shaahi na faqeeri

momin hai toh karta hai faqeeri mein bhi shaahi

kaafir hai toh shamshir pe karta hai bharosa

momin hai toh betayegh bhi ladta hai sipahi

kafir hai toh be tabaye taqdeer-e-musalmaan

momin hai toh woh aap hai taqdeer-e-ilaahi

mein ne toh kiya pardna israar ko bhi chaak

dairina hai tera marz kor nigaahi

Read Urdu Ghazal By Muzaffar Warsi -- Labb-e-Khamosh se.

Alien — Sun, 18 Oct 2009 11:34:51 GMT

Urdu Poetry -- Great Poetry

Urdu Ghazal by Muzaffar Warsi

Labb-e-khaamosh se izhaar-e-tamanna chaahein

Baat karne ko bhi tasveer ka lehja chaahein.

tu chale saath toh aahat bhi na aaye apni

darmiyaan hum bhi na hon yun tujhe tanha chaahein.

zaahiri aankh se kya dekh sake ga koi

apne baatin pe bhi hum faash na hona chaahein.

jism poshi ko mile chaadar aflaak hamein

sar chupaane ke liye was'at-e-sehra chaahein.

khwaab mein royein toh ehsaas ho sairaabi ka

rait per soyein magar aankh mein darya chaahein.

bhaint chadh jaawon na main apne hi khair-o-shar ki

khoon-e-dil zabt kare zakhm-e-tamasha chaahein.

zindagi aankh se aujhal ho magar khatam na ho

ek jahaan aur pas-e-parda-e-duniyaan chaahein.

aaj ka din toh chalo kat gaya jaise bhi kata

ab khudawand se khairiyat-e-farda chaahein.

aise tairaak bhi dekhe hain muzaffar humne

gharq hone ke liye bhi jo sahaara chaahein.

<--Back -- Next-->

Read Urdu Ghazal by Jigar Muradabadi -- Mohabbat may yeh kya

Alien — Sun, 18 Oct 2009 11:26:10 GMT

Urdu Poetry -- Great Poetry

Urdu Ghazal by Jigar muradabadi

Mohabbat may yeh kya muqaam aa rahe hain

ke manzil pe hain aur chale jaa rahe hain

yeh keh keh ke hum ab dil ko behla rahe hain

woh ab chal chuke hain, woh ab aa rahe hain.

woh az khud hi naadim howe jaa rahe hain

khuda jaane kya kya khayaal aa rahe hain.

hamare hi dil se mazey unke poocho

woh dhokey jo daansta hum kha rahe hain.

jafa karne waalon ko kya ho gaya hai

wafa karke bhi hum toh sharma rahe hain.

woh aalam hai ab yaar-o-aghyaar kaise

hameen apne dushman howe jaa rahe hain.

mizaaj-e-giraami ki ho khair yaarab

kayi din se woh aksar yaad aa rahe hain.

<--Back -- Next-->

Read Urdu Ghazal by Muzaffar Warsi -- Safar bhi door ka

Alien — Sun, 18 Oct 2009 11:17:12 GMT

Urdu Poetry -- Great Poetry

Urdu Ghazal by Muzaffar Warsi

Safar bhi door ka hai raah aashna bhi nahi

chala udhar hoon ke jis simt ki hawa bhi nahi.

guzar raha hoon khadam rakh ke apni aankhon per

gaye dinon ki taraf mu'dh ke dekha bhi nahi.

mera wajood meri zindagi ki hudd na sahi

kabhi jo tai' hi na ho main woh faaslabhi nahi.

fiza main phail chali meri baat ki khushbu

abhi toh main ne hawaawon se kuch kaha bhi nahi.

hai zindagi teri mehfil mein kis qadar arzaan

rawa hai qatal bhi dastoor-e-khoon baha bhi nahi.

samajh raha hoon muzaffar usey shareek-e-safar

jo mere saath qadam do qadam chala bhi nahi.

<--Back -- Next-->

read urdu ghazal by jigar muradabadi -- koi jeeta raha koi

Alien — Sun, 18 Oct 2009 11:08:23 GMT

Urdu Poetry -- Great Poetry

Urdu ghazal by jigar muradabadi

koi jeeta raha, koi marta hi raha

ishq apna kaam karta hi raha.

jam'a khaatir koi karta hi raha

dil ka sheeraaza bikharta hi raha.

ghum woh maikhaana kami jis may nahi

dil woh paimaana, ke bharta hi raha.

husn toh thak bhi gaya, laikin yeh ishq

kaar-e-maashooqaana karta hi raha.

woh mitaatey hi rahe, laikin yeh dil

naqsh ban ban kar ubharta hi raha.

dhadkane dil ki sabhi kuch keh gayein

dil ko main khaamoosh karta hi raha.

tum ne nazar phair lein toh kya howa

dil may ek nashtar utar ta hi raha.

<--Back -- Next-->