دوست غم خواری میں میری سعی فرمائیں گے کیا

دوست غم خواری میں میری سعی فرمائیں گے کیا
زخم کے بھرنے تلک ناخن نہ بڑھ جائیں گے کیا
بے نیازی حد سے گزری، بندہ پرور کب تلک
ہم کہیں گے حال دل اور آپ فرمائیں گے کیا
حضرت ناصح گر آئیں، دیدہ و دل فرش راہ
کوئی مجھ کو یہ تو سمجھا دو کہ سمجھائیں گے کیا 
آج واں تیغ و کفن باندھے ہوئے جاتا ہوں میں 
عذر میرے قتل کرنے میں وہ اب لائیں گے کیا
گر کیا ناصح نے ہم کو قید، اچھا یوں سہی
یہ جنونِ عشق کے انداز چھٹ جائیں گے کیا
خانہ زادِ زلف ہیں، زنجیر سے بھا گیں گے کیوں
ہیں گرفتارِ بلا، زنداں سے گھبرائیں گے کیا
ہے اب اس معمورے میں قحطِ غمِ الفت اسد
 ہم نے یہ مانا کہ دہلی میں رہیں، کھائیں گے کیا؟  
Dost gham-khwari mein meri sayi farmayeingay kya
By Ghaalib.
Dost gham-khwari mein meri sayi farmayeingay kya
Zakhm ke bharne talak nakhun na badh aayeingay kya
Beniyazi hadd se guzri, banda-perver kab talak
Hum kaheinge haal-e-dil aur aap farmayeingay kya
Hazrat-e-naseh gar aayein, deedah-o-dil farshe raah
Koi mujhko yeh toh samjhado ke samjhayeingay kya
Aaj waan taigh-o-kafan baandhe howe gata hoon
Uzr mere qatal karne mein ab woh laayeingay kya
Gar kiya naseh ne humko qaid, achcha yoon sahi
Yeh junoon-e-ishq ke andaaz chut jayeingay kya
Khaana zaad-e-zulf hain, zanjeer se bhaageingay kyun
Hain giraftaar-e-balaa, zindaan se ghabraayeingay kya
Hai is mamoor mein qahat-e-ghum ulfat asad
Hum ne yeh maana dehli mein rahein, khaayeingay kya

Next-->