بسکہ دشوار ہے ہر کام کا آساں ہونا
بسکہ دشوار ہے ہر کام کا آساں ہونا
آدمی کو بھی میسر نہیں انساں ہونا
گریہ چاہے ہے خرابی مرے کاشانے کی
در و دیوار سے ٹپکے ہے بیاباں ہونا
واۓ دیوانگئیِ شوق کہ ہر دم مجھ کو
آپ جانا اُدھر اور آپ ہی حیراں ہونا
جلوہ ازبسکہ تقاضاۓ نگہ کرتا ہے
جوہرِ آئنہ بھی چاہے ہے مژگاں ہونا
عشرتِ قتل گہِ اہلِ تمنا مت پوچھ
عیدِ نظارہ ہے شمشیر کا عریاں ہونا
لے گئے خاک میں ہم داغِ تمناۓ نشاط
تو ہو اور آپ بصد رنگ گلستاں ہونا
عشرتِ پارۂ دل زخمِ تمنا کھانا
لذتِ ریشِ جگر غرقِ نمکداں ہونا
کی مرے قتل کے بعد اُس نے جفا سے توبہ
ہاۓ اُس زود پشیماں کا پشیماں ہونا
حیف اُس چار گرہ کپڑے کی قسمت غالب
جس کی قسمت میں ہو عاشق کا گریباں ہونا
Bas ke dushwar hai har kaam ka Aasaan hona
Bas ke dushwar hai kaam ka Aasaan hona
Aadmi ko bhi muyyassar nahi insaan hona
Gar ye chahe hai qarabi mere kaashaane ki
Dar –o-deewar se tapke hai bayabaan hona
Waye deewangi-e-shauq ke har dum mujhko
Aap jaana udher aur aap hi hairaan hona
Jalwa az baske taqaza-e-nigaah karta hai
Johar-e-aayeena bhi chahe hai mazgaan hona
Ishrat-e-qatal gahe ahle-tamanna matt pooch
Eid-e-nazara hai Shamsheer ka uryaan hona
Legaye khaaq mein hum daag-e-tamanna-e-nishaat
To ho aur aap basad-rang gulistaan hona
Ishrat-e-paara-e-dil zakham-e-tamanna khana
Lizzat-e-raish-e-jigar gharq-e-namakdaan hona
Ki mere qatal ke baad usne jafa se tauba
Hai uus zod pashaimaan ka pashemaan hona
Haif uus chaar graha kapde ki kismat gaalib
Jis ki kismat mein ho aashiq ka gareibaan hona. <--Back -- Next-->
| 
